現年25歲嘅裕美同拍拖一年多嘅27歲圈外男友林恩浩（Jason)，今日下午喺紅棉路婚姻登記處簽紙註冊結婚，二人正式成為夫婦，呢個月15日將於三育中學行禮，晚上喺馬灣設婚宴廿多圍。

裕美同老公今日未有盛裝披嫁衣註冊，只係著上簡單露背裙，有近10名親友到場觀禮，二人應傳媒要求即場咀嘴。裕美話媽媽同Jason父母、公公婆婆都有出席，多年傳係裕美父親嘅陳百祥就未有出席，裕美話：「我有請佢飲，不過嗰日要跑馬，夜晚應承咗校長睇左麟右李，所以嚟唔到，但我有畀帖佢。」

裕美同男友拍拖一年就接受求婚，然後兩個月後就結婚，問佢係咪奉子成婚，佢話：「我哋一拍拖就諗住結婚，預3年後生BB，過吓二人世界先，出年會去澳洲遊學，體驗生活，做吓苦工寫吓書。」Jason被問有咩愛的承諾？佢望住裕美笑住話：「愛你一世，都係嗰啲。」事後被裕美指很敷衍。

講到註冊過程，裕美表示好感動、緊張，但就冇喊，佢話：「短時間榮升姓林，興奮同緊張依然喺度，我諗bigday當日會喊。」


本報娛樂版舉辦的「萬千星虧頒獎禮」已經來到第五屆，今屆口號為「全民起義，網民話事」，換言之由網民一人一票選出心目中最虧代表，包括男主角、女主角、最虧節目及最虧場面。讀者可由即日起至本月14日、晚上11時59分之前，到以下網址( http://campaign.appledaily.com/tvawards2013 )投票。投票結果於本月16日在本報娛樂版及網上公佈。