曾演出韓劇《李算》、《Oh My金雨》等劇集嘅41歲男星李宗秀，佢自前年出演《Oh My金雨》後就一直未有新作，不過近日佢卻成為新聞人物。

根據韓國傳媒報道，李宗秀原定喺上周六擔任A某友人嘅婚禮司儀，當時A某已預先畀咗85萬韓圜(約6,300港元)訂金，點知喺上周六李宗秀就冇出現到婚禮現場，而且手機仲要處於持續關機狀況。由於李宗秀失聯多日，A某亦無任何方法搵到李宗秀，所以A某亦於大前日控告李宗秀詐騙。

李宗秀事務所回應傳媒時表示佢哋亦都聯絡唔到本人，但為咗息事寧人亦已代李宗秀賠償有關款項予受害人。同時有報道指李宗秀現時身在美國，估計佢因而失聯，不過據知連佢家人都唔知李宗秀現時身在何方，令外界都十分擔憂李宗秀現況，唔知佢係唔係安全，而且網民都相信佢唔會為咗6千多元而走佬，估計佢因為有其他事情發生才令到佢失聯多日。

更多韓流，喺晒《娛果》
http://fb.com/appledailyent