RubberBand與野佬（Yellow!）噚晚喺九展搞音樂會，現場設有飲酒區，仲有企位，好多歌迷都邊睇，邊飲酒氣氛好好。

6號喺台上話好感動，有咁多人入場睇騷：「雖然有啲樂隊未必咁順利，但係希望大家留意香港人玩嘅音樂，無論係普通話、英文，咩話都好，都要支持香港人嘅樂隊。最緊要對得住自己，相信自己做嘅事，會有一遍自己嘅天空。」6號又提到過去一個星期世界發生咗好多唔開心嘅事，更望大家可以多啲留意身邊發生嘅事。Yellow!主音小胡了台上一路唱一路飲。

完騷後，RubberBand同野佬一齊做訪問，佢哋話玩到好開心，其實係第二次合作，搞PART III就搵多啲朋友一齊玩。講到林敏驄演唱會開騷前塌台，RubberBand嘅阿偉話：「聽到新聞覺得好突然，因為工作需要都會成日見到嗰班人，有好多合作機會，希望大家都吉人天相。睇到新聞有叫大家小心啲，始終舞台都係一個危險地方。」RubberBand嘅泥鯭話，上台前，佢哋都互相提醒大家小心啲，其間佢落台去廁所，工作人員都即刻幫我照住，係相當專業。