下周二，即係20號係大美人李嘉欣嘅47歲生日，不過Michelle喺踏入生日月冇耐，已經喺微博留言叫大家唔好送禮物，佢話：「每年收到的禮物和祝福都讓我很感動，踏入了生日的月份，『禮物』意義是分享喜悅和愛，如果你正打算送我禮物的話，請考慮支持『Ukulele 暑假班眾贈行動』，給自閉症兒童一個難忘的夏天！」

生日都不忘做善事，真係好愛心，查實有時唔一定收禮物先開心，同埋一班朋友見吓面，食個飯已經好開心，Michelle嘅好友黎姿，噚日喺微博貼咗啲食飯相，同場仲有Michelle嘅家姐李嘉明與及設計師好友張潔雯，齊齊同好友慶祝生日，睇見佢哋個個樣都冇乜點變，都係凍齡美魔女，真係好葡萄囉！之後黎姿都留言話：「Happy birthday to 大美人祝永遠美麗、健康、喜樂常在！」Michelle亦轉發微博話：「謝謝你們美美的祝福！」