前E-Kids成員阮民安(Tommy)由06年去澳門賭錢欠債24萬後，同年E-Kids解散，Tommy喺08年自組公司做老闆捧自己，蝕到入肉。

工作量甚少嘅佢，仲要喺上年因為賣BigBang演唱會飛尾走數，令fans冇得入場而報警，最後要賠錢收場。

去到近日，Tommy又有新嘢，今日有報道指喺網上討論區上面，有業主網友留言，數臭Tommy做租霸，萬幾蚊租都要分期還，而最近業主知道Tommy有前科，為免夜長夢多，決定收番單位。業主話：「皮幾嘢之嘛，都要分開俾，我嘅短租已經唔使佣唔使按金。」

而對於被趕走一事，Tommy今日下午就搵咗物業公司發出聲明澄清，話查過Tommy嘅入住紀錄，入住前已繳清所有費用，並冇欠租被趕走之情況。Tommy今日在電話回應，話自己經常畀人屈好慘。