當年今日
關於我們

倫敦邂逅 特務𠝹殺手
蔡依林美色害死馮德倫

蘋果日報 2007/09/13 00:00


蔡依林(Jolin)早前為宣傳新碟,不惜工本拉隊到英國拍攝音樂電影,更請來靚仔導演馮德倫做男主角,為求突破,Jolin在這齣音樂電影中不但衣着大膽,與德倫不時有親熱鏡頭,Jolin還在戲中大晒豐滿身段,演出時兩人也難得地自然投入,導演也讚兩人很合拍。

「以為做導演」

馮德倫在百忙中依然遠赴英國拍攝這個音樂電影,他昨日解釋說:「其實好多年前我仲做緊歌星時,已經認識Jolin,諗唔到事隔幾年,佢變化咁大,不但人比以前紅,跳舞又好咗好多,我對佢係越嚟越欣賞,所以當佢打電話搵我幫手,我就一口答應,不過我初時都擺了烏龍,以為佢係搵我做導演,後尾先知係叫我做男主角。」
在英國拍攝了4日,由於拍攝工作很趕,馮德倫想趁今次機會在當地遊逛都沒有時間,不過他覺得今次拍音樂電影可以與Jolin有較多時間相處,可能對將來找她拍戲時會更容易溝通。記者問德倫與Jolin有如此多身體接觸,會否令他心動?他笑說:「我係專業演員,點會咁冇用,做戲歸做戲,做完就會識得抽身而去。」
問到下部戲會否考慮找蔡依林合作?馮德倫說:「唔係我想搵就可以,如果有啱嘅角色都唔排除合作機會,但暫時我準備開嘅戲,未有角色啱佢做。」
採訪:李全