由韓國神劇《太陽的後裔》女星宋慧喬孖朴寶劍主演嘅tvN新劇《男朋友》上月28號首播，即時掀起煲劇熱，大後日將播出第9集，港迷稍後可於「黃Viu煲劇平台」同步追睇。

而《男朋友》播咗一個月深受觀眾歡迎，喺日前發表嘅最具影響力電視節目、話題性電視節目以及關注度最高嘅電視節目中，《男朋友》都穩佔第一名。

另外，喬妹雖然忙於拍劇，但仍不忘拍攝廣告，佢之前就擔任大陸品牌嘅代言人，品牌噚日公開喬妹新廣告相，只見喬妹穿上單膊裝示人，而另一個品牌則公開喬妹露背相，大展佢女神魅力。而朴寶劍就喺社交網公開同圈中老友、男團防彈少年團(BTS)成員V嘅合照，賀V今日23歲生日。

精選韓流，喺晒《娛果》
http://fb.com/appledailyent