香港電影金像獎協會今日榮幸宣佈本屆「終身成就獎」得主為著名導演楚原先生，由1957年至1990年，楚原30幾年嘅導演生涯中，橫跨國語及粵語片界，風格自成一家，既多番開創新風氣，風格又有自成一家，這樣豐富而精彩嘅導演人生，對香港電影業貢獻良多，八十年代係楚原仍發揮創意空間，巨星周潤發同周星馳都分別演過楚原作品《大丈夫日記》及《小偷阿星》。

楚原1934年出生，1955年入行，1957年與著名導演秦劍聯合執導，1958年以24歲之齡獨立執導《湖畔草》，1960年已拍出感人肺腑嘅社會倫理悲劇《可憐天下父母心》，七十年代初執導粵語片《七十二家房客》賣座560多萬，打破幾年嚟嘉禾公司憑李小龍電影壟斷嘅賣座票房紀錄，同時《七十二家房客》賣座令一度消失嘅粵語片恢復製作。

楚原導演喺粵語片最高成就，無疑係佢心愛嘅文藝片，由1968年依達小說改編《冬戀》走出片廠大量實景拍攝，攝影有層次感，甚有歐陸電影feel，楚原更開創拍攝改編古龍武俠小說熱潮，由1976年《流星•蝴蝶•劍》開始到1976年《天涯•明月•刀》、1977年《楚留香》、1977年《白玉老虎》、《三少爺的劍》、《多情劍客無情劍》等作品，拍出古龍原著中奇情曲折嘅故事，又以影像模擬出古龍浪漫氣質。大會將於4月15號當晚頒發最高榮譽予楚原導演，以表揚佢對華人影壇嘅貢獻。

一眾候選男女主角、男女配角、導演、新晉導演、新演員剛完成本屆紀念特刊拍攝工作，30位候選人在攝影師Paul Tsang指導下散發青春、華麗、燦爛、動人嘅氣息，預計4月初於全港各大書店及報攤發售，全書共132頁售價HK$98元。

精選娛聞，喺晒《娛果》
http://fb.com/appledailyent