近日熱浪襲南韓，當地氣溫創111年新高，唔少市民都熱到苦不堪言，而明星演員要開工亦要想方法點樣消暑。

好似女團少女時代成員徐玄咁，佢近日就為MBC新劇《時間》開工，不過天氣真係太熱，佢噚日就上載兩張相，當中可見徐玄頭上就敷了一個黑色膠袋，估計袋內應該係冰塊，雖然咁熱，但佢都有留言叫大家喺咁熱天氣下可以留喺屋企睇《時間》。

另外，現時正忙於拍攝tvN新劇《阿爾罕布拉宮的回憶》嘅朴信惠同玄彬，噚日就繼續為新劇開工，好在佢哋就唔使喺戶外開工，只係留喺仁川機場內，所以有冷氣涼住。而朴信惠噚日都喺Instagram公開《繼承者們》舊拍檔、女團f(x)成員Krystal送贈為佢打氣嘅咖啡車，仲大讚Krystal喺40度高溫下送上咖啡車，等佢哋可以唙涼快環境下進行拍攝。

更多韓流，喺晒《娛果》
http://fb.com/appledailyent