現年41歲的陳山聰入行24年，經歷不少風風雨雨，11年高調戀上賭王何鴻燊三房千金何超雲，兩人拍拖兩年玩完，山聰形象插水，一度陷入失愛情、失業、失財、失形象的「四失」困局，山聰當日熱戀時更與痛錫他的契姐伍詠薇「絕交」。

海灘行禮

山聰日前接受港台節目《舊日的足跡》訪問，他開心宣佈喜訊，與超雲甩拖的山聰，於14年戀上做美容生意的圈外女友Apple，有指女方廚藝精湛，不時煮美食留住山聰。山聰跟女友感情穩定，他在錄音訪問中表示計劃明年迎娶女友Apple，還希望舉行一個陽光海灘的婚禮，擅於時裝配搭的他，更預想新娘婚紗定必要白色。
山聰還提到初出道，劉德華勸勉「少說話多做事」，他也避談舊愛超雲，但直認當時兩人相戀，自己「戀愛大過天」，不夠深思熟慮：「藝人談戀愛有壓力，無論對方係普通人或名人，我𠵱家唔會再多講。」
對於明年有意拉埋天窗，山聰向女友求婚了嗎？他昨回應傳媒：「明年都忙，我暫未儲夠錢買戒指。」契姐伍詠薇則興奮說：「哎吔，佢同港台講都唔同我講，我又嬲，我都覺得係Apple㗎喇，家有喜事，恭喜，恭喜。」
採訪：楊定