一早起身返工，要逼港鐵、火車、巴士，肯定有不少上班族曾想過這個問題──到底選擇自行駕車，還是乘坐公共交通工具較抵？
對大部份車主而言，駕車返工的確很方便，既可節省等候巴士及上落港鐵站的時間，可以直駛最快捷的道路返公司。
不過，駕車開支有排計，包括停車場費、油錢、保險和維修等，加起來是一筆大數。

攞齊聯營卡、優惠券

現時油價已由早前高位大幅回落，但仍是「加得快、減得慢」，車主與其慨嘆每月要負擔高昂油費，不妨申請由油公司與銀行聯營的信用卡，盡享入油折扣優惠。
同時，個別油公司亦會不定時派發入油優惠券，計計埋埋可慳回不少，慢慢積少成多，不知不覺間，就可減輕荷包負擔。
此外，消委會近期推出油價計算機服務，協助消費者格價，計算如何盡享入油着數，只要上網揀燃油種類、入油量、預算金額，並以現金還是信用卡等付款方法，即可得知那間公司，或那個油站入油最抵，精明的車主又怎可錯過。
油價計算機網址： http://www.consumer.org.hk/pricewatch/oilwatch/graph.php