三人女子組合Dancerella今日在尖沙嘴為網台拍攝飲食節目， 三位成員Suki、Koyuki、Taryn 自稱為食， 不過對身材有信心。 組合係繼ffx之後出道，由同一經理人Sam打造，組合新曲《What ever you say 》已經錄製完成，三女話:「首歌係自己填詞，依家為追求完美，精益求精，會再錄多一次，要改一改啲歌詞。」

講到MV成本，佢地話:「唔知架，公司決定啦，幾錢都好，拍得靚就得啦。」今次佢哋仲有服裝、形象指導拍 MV，比起ffx要自製服裝出騷幸福得多，三女話:「會以校服look上陣拍MV，趁青春扮青春。」ffx曾以低成本九百多元製作MV，問到三人會否挑戰更低budget ?佢哋講笑話:「好難呀，呢個係歷史經典，加上有通脹好難超越 。」至於驚唔驚同經理人Sam傳緋聞？三女好唔留情面回答，Taryn話:「唔會啦，做得我阿爸。」Suki話:「唔係我哋T （taste），鍾意小鮮肉。」 Koyuki話:「我鍾意大肌肉。」