韓國新生代男星朴寶劍自去年拍完人氣劇《雲畫的月光》就一直未有新作，不過由於其形象健康，所以深受廣告商歡迎，頻頻拍廣告吸金，而近日就有指朴寶劍接替今年2月入伍嘅「長腿Oppa」李敏鎬，擔任服牌品牌「Eider」嘅代言人。

據悉李敏鎬自2011年起就係該品牌嘅代言人，就算不時更換合作嘅女星，品牌依然Keep住同李敏鎬續約。直至今個月李敏鎬合約到期，同時因佢要入伍先改簽約其他男星。不過品牌就搵嚟朴寶劍接捧做代言人，力證朴寶劍嘅人氣，品牌更已經公開朴寶劍嘅新廣告相，吸引粉絲目光。

另外，朴寶劍憑《雲畫的月光》於噚晚獲頒《第12屆首爾國際電視節》嘅「韓流連續劇男子演技獎」，佢喺台上感謝同門師兄宋仲基，並對宋仲基與宋慧喬嘅婚事送上祝福：「我記得去年係仲基哥獲得呢個獎，非常感激佢經常畀好嘅意見我。祝你同慧喬姐永遠幸福。」至於《雲畫的月光》就獲頒「韓流連續劇最優秀作品獎」。