當年今日
關於我們

【李八方online】「AO界男神」今個星期告別財爺去進修

蘋果日報 2018/09/10 19:33

葉海鷹AO界男神

有「AO界男神」之稱嘅財政司司長新聞秘書葉海鷹(Kirk),9月獲政府保送到英國牛津大學布拉瓦尼克政府學院,修讀一年制公共政策碩士,八方今日係政總附近偶遇Kirk,當然把握機會上前同佢傾幾句同影張相,本來佢一口答應,點知見八方舉機剩係影佢,男神竟然雞咁腳走,原來佢以為只係selfie。係嘅,靚仔都要低調啲,未夠六點未收工啊嘛。
Kirk話今個星期係佢喺財政司司長辦公室最後一周,下星期就會起行。有指佢個位由工業貿易署助理署長(工商業支援部)王婉蓉(Belinda)接任,Kirk始終冇證實,但又話二人𠵱家交接緊,八方問佢有乜提點下一手?謙虛嘅Kirk話自己都唔係做咗好耐,笑笑口話會提接任人「覆email要快啲囉」。雖然Kirk笑住講,但應該係真心嘅,做得新聞秘書,即使係男神,回覆查詢慢啲都會畀人詐型㗎!