大陸宮廷劇《延禧攻略》掀熱潮，連前跳水王子田亮嘅老婆葉一茜都係粉絲，噚日係葉一茜嘅34歲生日，兩公婆扮《延禧》look大搞派對慶祝，生日會仲取名為「長春攻略」，葉一茜嘅富察皇后造型落足本，而田亮扮嘅乾隆就馬虎得多，古裝衫時裝頭不輪不類。

其實最緊要玩得開心，壽星女葉一茜就好高興，仲錫錫老公多謝㖭，在微博留言：「如願，感恩愛我的朋友們。」有份出席生日會嘅好友，女士們全部扮妃嬪look，田亮鬼馬寫道：「老婆生日快樂！他們為了討你開心，叫我大豬蹄子？還有這後宮佳麗三千是甚麼鬼？老婆你聽我解釋！」網民抵死留言：「還想后宮佳麗三千？好了，搓衣板、榴槤、方便面、鍵槃，自己選吧！」

精選娛聞，喺晒《娛果》
http://fb.com/appledailyent