現年20歲嘅韓國女團AOA的雪炫憑住弗爆身材加上甜美樣貌而迷倒唔少男生，早前仲被韓國陸軍選為理想女友嘅No.1，可見幾得男士歡心。

唔知係唔係見雪炫呢期人氣急升，所以雪炫早前着上貼身牛仔褲賣廣告嘅代言照竟然被人利用，前日喺韓國網上就瘋傳一張名為「K大學酒屋招牌」嘅照片，照片中駭然就見到雪炫BB嘅照片，據了解京尚大學內嘅酒屋就用咗雪炫嘅照片做宣傳海報，而喺雪炫照片附近就有其他穿上紅色內衣女模嘅照片，驟眼睇仲以為雪炫BB賣緊內衣廣告。

不過最令粉絲唔滿意係喺照片附近佈滿具挑逗性嘅語句同菜式名字，好似「想吃吧」'「插我，所有串」、「Oppa我要熱的炒米腸」、「佢厚實嘅五花肉拌面」、「女友獨居屋內乳酪拉麵」等，令人想入非非。照片上載網上後，唔少粉絲都鬧爆酒屋用雪炫嘅照片作淫亂宣傳，惹嚟各方抨擊。

由於另一女團NineMuse嘅景麗都試過被另一大學慶典酒屋利用佢照片做宣傳，所以呢啲事件唔係第一次發生，而京尚大學方面就發表道歉文，並留言：「向雪炫同模特們，還有京尚大學嘅校友們表示道歉。」