【本報訊】墮垃圾槽慘死清潔工羅裕鏘的家人，接受死因庭裁定死者是死於意外，兒子羅厚德直言一直纏繞內心的疑問和鬱結，到此刻得到紓解，會永遠掛念父親。他形容雖然父親不幸過身，但從死因聆訊中得悉父親在事發約半小時內已死亡，亦不至於直墮地面粉身碎骨，算是慘劇中的一點安慰。

事發於前年12月22日冬至夜，71歲的羅裕鏘上樓「頂更」倒垃圾肇禍，最近死因庭陪審團一致裁定死者於當日晚上9時30分至9時50分期間，清理垃圾槽淤塞時失足，跌入錦邦閣30樓及29樓間的垃圾槽內，因機械性窒息致死，屬死於意外。

擬追討賠償

羅裕鏘生前與妻子育有一女及一子，兒子羅厚德稱，家人一年多以來一直滿腹疑竇，「究竟件事係點發生呢？爸爸出事之後，兩個鐘頭先由消防員救出送院，呢兩個鐘頭過程係點呢？」幸聆訊交代事件始末，羅直言：「知道原來爸爸喺出事後，到消防拯救大約半個小時內，已經冇生命迹象，唔係足足捱咗兩個幾鐘頭，亦冇直接跌落地面，有垃圾擋住不致粉身碎骨，屋企人都好感恩。」

6月3日是羅父的生忌，羅厚德特別提及爸爸生前「好鍾意煮嘢食同周圍去玩，好多時大時大節啲嘢食唔晒，爸爸都會包底，一家人樂也融融」，惜如此情景已成追憶。羅形容自己很掛念父親，但「今年同舊年好唔同，好多嘅問號都變成句號」，希望稍後有更多時間，會到父親生前常到的地方緬懷一番。事件中僱用死者的惠康環境服務有限公司，已支付恩恤金及工傷賠償，工業傷亡權益會目前正協助家人，考慮進一步追討疏忽賠償。