雨僑早前宣佈與老公羅力威造人成功,懷胎3個月,她今天接受了商台《一家大晒》訪問,分享懷孕的喜悅,預產期於8月的雨僑,笑謂跟老公已有心理準備,皆因這全是他們的計劃之內,雨僑更早已開始調理身體,她說:「我哋都好想有小朋友,做藝人10年、8年,對女仔嚟講身體係會有少少嘅影響,喺結婚早年都未有咁緊張,只係好間中睇中醫、唔飲凍飲,年紀越大就越緊張,加上搵到個好好嘅中醫,每星期會去做艾灸,仲要鋪晒成身都係薑,自己亦都會小心保暖,大概2、3個月,就有好消息。」雨僑更自爆等待懷孕時,心情緊張,經常會驗孕,在網上購買驗孕的配件,卻按錯了百多條驗孕捧,她又會跟老公一同研究驗孕的結果,真正確定了大家便安心,認真搞笑!