運動場上，最吸引的場景，永遠都係有得鬥的畫面，話知你有多勁，一個贏晒，一家獨大，都係無甚睇頭的悶局，由此看來，未來這大半年的足球應該很精采。
先由聯賽鬥起，英超獨大久矣，兩家收費電視台爭逐不休本來就好睇過戲，夏天之後各擁一個聯賽，英超強勢依舊，但西甲若果肯早點開場早啲瞓的話，這3年有得鬥。
09年巴塞威晒，今年步頭未有放緩，但皇馬歐聯出局，反而造就專心聯賽之勢，於是乎西甲打吡又再刺激了一點。論賽程，阿仙奴確實比另外兩支爭標分子易打，但又遇上不知是幸或不幸的歐聯晉級，於是乎，車仔機會又提升了一點點。曼聯呢？我懷疑他們會關心歐聯多一點。