韓國神劇《太陽的後裔》嘅宋仲基同宋慧喬已於今年10月31號舉行世紀婚禮，前日雙宋捧IU喺首爾嘅演唱會場，成為現場觀眾嘅焦點。

而噚日IU首爾騷尾場，繼續有唔少明星粉絲捧場，當中包括李鍾碩、朴寶劍、雪炫、李準基、EXID嘅Hani同正花、金賽綸等人，場面十分熱鬧。

IU頭場就邀得天團BIGBANG嘅G-DRAGON做嘉賓，尾場嘉賓同樣份量十足，邀得「馬舞大叔」PSY做佢嘉賓，IU更賣大包唱足五個鐘，唔知有冇打破韓國演唱會紀錄呢？

IU喺尾場亦換了多套服飾，當中有一套就好似婚紗一樣，IU仲罕有低胸性感示人，尾聲時IU換了一件衛衣，原來係好朋友劉仁娜要佢着呢件衫上台，等佢着住上台影相畀劉仁娜睇，而件衫上面就寫上「Thank You」，原來係劉仁娜送畀IU，所以IU話佢一定要着上身。

更多韓流，喺晒《娛果》
http://fb.com/appledailyent