【單身係爭啲】陳瀅爆「老公」另有意中人 寄望開工過聖誕
陳瀅陳卓賢Mirror
組合MIRROR成員陳卓賢(Ian)和陳瀅今日在深水埗為聲演的動畫《魔鏡肥緣》宣傳,吸引不少Ian的fans到場舉牌支持。活動中,兩人在台上與觀眾玩遊戲,其中一位小女孩主動拖着Ian手,十分可愛。
首次配音的Ian在片中聲演男主角王子,因為中了咒語的關係,每逢有人望住他,或者身處有人的地方,王子就會變成青色的小矮人,他坦言很開心可以配到男主角:「第一次配音都大壓力,怕經驗不足會失禮,配到最後嗌到聲沙,因為有好多打鬥場面,同埋我有啲懶音,所以其實都幾攰,同時又興奮又期待,因為由細到大都鍾意睇卡通片,如果有一日我可以配到其中一個卡通片角色就好,所以過程中係幾開心。」雖然事前沒有上聲演課程,但他運用了唱歌技巧來幫助。
提到跟陳瀅第一次合作,Ian稱當時是分開配音,到了宣傳訪問時才見到陳瀅,他笑說:「係有啲怕醜,所以我同男主角嘅性格都幾相似,見到女主角嘅時候,唔係好識表達自己,平時同小矮人相處就好自在,好似同MIRROR一樣。」
聖誕節將至,陳瀅笑言希望開工,她說:「又聖誕、又倒數、又新年,單身係爭啲吖嘛,所以寧願工作中度過。」提到她的「老公」Howie,陳瀅即說:「佢係我好好好朋友,佢認識緊另一個人,我都戥佢開心。」以後不能叫對方做「老公」?陳瀅直言不怕:「我哋係好好關係,(不擔心Howie另一半呷醋?)唔怕㗎,佢識我先㗎嘛!」現時是否減少了很多賺錢機會?她坦言不緊要,自己也想專心演員本份。
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇