日前一個慈善活動，因為一件外套，引發咗「慧妍之亂」，梁小冰同陳法蓉連日嚟keep住隔空開火，陳法蓉話自己有證人，亦有洪欣、朱茵等圈中好友支持。梁小冰除咗寫長文《一件外套的價值》申訴外，佢再以短訊回覆《蘋果》，回應陳法蓉有「證人」撐腰一事。

小冰話預咗「她們」會咁樣回應，因為佢哋係同一間公司，關係密切。不過小冰就覺得如果佢哋當日唔喺現場就唔應該評論件事，仲話：「如果想救火就不要再火上加油！」

唔止咁呀，小冰仲意有所指咁話：「自己事自己處理番，做人要有大將之風，做錯事肯承擔。」佢更講到自己唔會將朋友，經理人等等推在刀邊，而且好朋友唔應該淨係講好聽嘅說話，有錯時都要出聲指正。

小冰回應全文：

很好的好朋友，我預咗她們會回應，以往也是這樣，她們現正同一間公司，關係密切，沒問題！她們沒有在現場，不清楚狀況！只聽對方一面之詞，不應評論誰對誰錯，誰好誰壞，如果想救火就不要再火上加油！如果想平靜風浪，請所有旁觀者不關事的人禁聲！好朋友、經理人等等大家都有，但發生任何事我不會第一時間把他們推在刀邊上，擋在自己前面，自己就縮在後面，自己事自己處理番，做人要有大將之風，做錯事肯承擔，我反而佩服！好朋友不單圍在她身邊幫她說好話對她拍掌歡呼讚美，如果真愛她，看到缺點要提醒。