韓國女團AOA除咗人氣成員雪炫之外，其他成員身材都唔錯，而草娥喺粉絲堆中更出名好身材。雖然佢平時出騷時都有穿上小背心騷吓曲線，但就好少會穿上低胸衫，不過噚日草娥就突然賣大包，引死粉絲！

噚日草娥透過Instagram公開新自拍照，更留言寫住：「終於搵返忘記咗好耐嘅密碼。」事關草娥已經好耐冇更新Ig，所以粉絲一見到有新相都好感動，不過上載自拍照晒靚樣嘅草娥，就畀事業線完成搶晒Fo，粉絲都大叫：「好養眼！」草娥更連續上載咗兩張新相，更一張嘅草娥着住紅色外套，擺出搞怪嘅表情。

不過草娥更新完無耐，就刪晒Ig所有相，甚至連自己嘅頭像都刪埋，只係刪淨一張為同門嘅唱作女歌手Juniel新歌宣傳嘅相，令粉絲十分擔心。