兩位人妻黃靜茵同朴秀珍都係韓國女團Sugar嘅成員，佢哋由團體開始已經感情好好，即使做咗人妻都繼續保持聯絡，之前一齊學插花，生活真係好寫意。

而今日黃靜茵就上載新相，當中可見佢約咗陀緊B嘅朴秀珍以及其他女性朋友聚舊，佢哋幾個女人合照時好不風騷，當中黃靜茵仲好搞鬼，作狀咀嘴身邊女嘅金成恩。至於陀緊B嘅朴秀珍就坐喺椅子上，照片亦刻意影唔到佢個肚，唔知黃靜茵有冇趁機問吓朴秀珍陀B心得，為生B作好準備呢？