意甲球隊嘅波衫經常出現大號碼，但英超較少有球員會著上去到80至100號嘅波衫，好似利物浦新右閘阿歷山大阿諾特著住66號，已經好罕有。

以借將形式喺死線日過檔史雲斯嘅連拿度辛捷士，就諗住挑戰傳統，穿起85號波衫，而天鵝喺官方Twitter亦出post，宣佈佢今季將會成為呢個球會史上從未出現過嘅球衣號碼主人，點知大約三個鐘後就刪post，改出另一個post，話英超賽會唔畀通過，所以辛捷士要好似喺拜仁一樣，著番35號！