楊千嬅在抗疫期間享受其烹飪樂趣，不時將煮食片段上載到社交平台分享，有見及此千嬅親自策劃在YOUTUBE開設一個頻道「MY LIVE TV」，節目名為『千言.慢煮』，每集邀請不同嘉賓無所不談、邊煮邊傾，今次打頭炮嘉賓同樣是靚媽級的谷祖琳（小谷），在節目中二人分享在職媽媽的心得及湊仔樂，千嬅更煮出囝囝Torres最愛食的蛋包飯。

蛋包飯背後的故事

千嬅之前做訪問時講過蛋包飯背後有個故事，記得今年三月，千嬅一家從澳洲回港後接受十四天的居家隔離，多了時間與Torres相處。有日，兒子突然想吃蛋包飯，因他在之前的旅行嚐過，想再食，於是千嬅便上網學煮:「Torres好開心，原來自己從來冇畀過呢種快樂佢，佢八歲喇！呢種快樂一直都係工人姐姐同陪月搞掂。」就是Torres一句話，令千嬅在居家隔離時不停煮食，加上她發現專心下廚令人放空，甚麼也不想，廚房原來是個很自癒的地方。

身教最重要

在首集節目中，千嬅與小谷兩位在職媽講到湊仔經就特別有共鳴，對於雙職人母，因兼顧工作而未能專心照料子女可有內疚感？小谷認為不應因此而自責，即使廿四小時陪著亦不代表是好事，她覺得身教才是最重要。

千嬅自言為人母初期很緊張，形容好似讀兒童心理學一樣，有時她反省會不會逼得太緊呢？又常提醒自己不可以做怪獸家長。千嬅覺得現在時代不同，大家追求的境界比以前高。她笑說：「其實要贏在起跑線係有啲大鑊，有時令到家長會諗多咗！」

小谷這個民主媽咪也認為不能過份照顧子女，因為有時見到女兒很依賴，做任何事也需要別人幫手，她說：「有次女兒用ZOOM上堂做功課，她遇上不懂的問題便大叫問我，其實有時我都唔識點解答，我叫佢去問SIRI（手機語音助理）啦！我雖然係你阿媽，不過我唔係一定叻過你，而家啲教學方法同以前唔一樣。」

----------------------------

請即預購《噴火30年壹驚艷 性感女星典藏集》特刊，當年《壹週刊》鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。

自取優惠價 港幣$83【按此搶購】

包運費價 港幣$110【按此搶購】

----------------------------

守住新聞自由 和你撐壹週刊計劃 每月港幣$300起

按此了解更多

-----------------------------

英國移民、升學、就業、買樓生活資訊！

立即加入「走佬去英國 － BNO 5+1 移民資訊研究所 」