【新增圖片】

平時賽事馬匹在亮相圈跟大家見面，都由馬伕（即馬房助理）牽引住，馬伕的工作十分重要，沒有一匹馬可以不用馬伕照顧，惟馬伕是馬房內基層工種，平時當然唔太起眼。

不過，今日（23日）沙田頭場四班田草2000米長途賽，就有位「不平凡」馬伕出現於大眾眼前，佢正係拖住蘇偉賢馬房4號馬「皇帝誥令」的Jashon葉俊伸，亦即是本港前冠軍練馬師葉楚航幼子。

Jashon同爸爸一樣，從小就熱愛賽馬，仲立志投身呢個行業，於外國畢業後即向馬會申請，先由最低之馬伕做起，今日就首次拖馬出賽。

結果「皇帝誥令」最終於呢場賽事跑入一席殿軍，睇馬匹全程跑來十分主動，狀態唔差，只是輸在2000米太長，看來Jashon應照料得佢唔錯。