當年今日
關於我們

港日齊齊曬餐飽

蘋果日報 2003/07/28 00:00


上個禮拜茶餘飯後嘅話題,唔使講都知係嗰隻要曬住嚟打嘅GBA遊戲《我們的太陽》。呢隻嘢喺日本呢邊非常Hit,香港就更加掀起一陣炒風㖭!鬼咩,加咗塊感光晶片,想翻都翻唔到,加上「小島秀夫」嘅大名,唔賣得就假喇。如大家所料,呢隻Game嘅紅黑限定版SP主機,一開舖就賣晒,小弟睇到佢哋每間舖都只係入得好少貨,相信事前水貨佬亦落咗唔少功夫,𠵱家呢部機絕對係香港多過日本,想買的話不妨昅昅,嗰個限量附送嘅棺材盒,日本喺開賣當日下晝兩點半左右就賣晒,香港亦唔多貨,要買趁早。講開又講,呢隻Game要打贏波士一定要夠猛夠兇狠(個太陽),日本咁啱得咁蹺係梅雨季節,睇怕都要過幾日先至可以打大佬,^_^"!

文:貓仔Ryo