無綫總經理鄭善強同助理總經理區偉林今日喺電視城會見傳媒，講述來年節目安排，鄭善強同時亦透露明年無綫嘅廣告套餐將加價5%。

今個星期二播出嘅《東張西望》收到超過2萬宗投訴，區偉林話：「首先做為電視立場，我哋最終目的係公正，中立同持平，我覺得《東張西望》呢個採訪模式冇偏差，向來都有採訪社會關注問題，完全冇政治模式，只係將城中熱話同大家探討，唔係政治工具大家唔好諗得太複雜。觀眾有唔同反應，覺得過火就遺憾。」

區偉林話現時做電視，觀眾嘅投訴係增多咗，雖然佢唔清楚亞視同其他電視台係咪有同樣情況，佢話：「係咪反映我哋做錯？又唔係。感覺同佢哋私人有關係，投訴有偏激，今次都預咗佢哋會投訴，成個節目係持平，中立同公正。如果佢哋覺得唔係就遺憾。」