【奪面爆料王】爆圈中男女星出軌 大台細眼女星去船P吊金龜
蘋果日報 2020/09/10 23:30
奪面爆料王videotalk
《蘋果》引入嶄新技術，替唔想露真身爆料嘅嘉賓，以Face Off功能變臉現身Video Talk，今晚播出的一集，更帶大家走進全新節目《奪面爆料王》，嘉賓主持馬米高率三位曾經都喺娛樂圈「打滾」的爆料王，奪面化身Ariana Grande（A小姐）、Keanu Reeves（K先生）及渡邊直美（S小姐）爆料。
節目重溫：《果燃台》
節目開始時，馬米高先問三位嘉賓，知否藝人為何對任何事都好像不敢發聲，作為前經理人的K先生，坦言好多時都是經理人要藝人禁聲，因為講少句就少啲麻煩，好似以前唔可以認拍拖一樣。
不過，曾經係藝人助手嘅A小姐就話，以前嘅唱片公司雖然唔鍾意藝人認拍拖，但就好鍾意搞緋聞，因為有新聞好過冇新聞。Ａ小姐續爆不少藝人表面清純，但其實表裏不一，試過凌晨3點被女藝人要求飛奔去她家，替其「補鑊」掩飾男友登堂入室。
曾經是性感女星的S小姐，除了在節目中爆有導演好鍾意見報，曾要求現在已經分手，但當時仍是緋聞情侶的男女藝人，出席電影宣傳時要在記者面前多提他的名字，S小姐還爆在船P見過電視台一位眼細女明星，令佢感到好意外。
之後，話題轉到女星被「抽水」問題，S小姐話去夜場最容易遇到，Ａ小姐則指助手經常要為藝人「頂」也不好過，尤其喺大陸夜場，情況就更加嚴重。Ｋ先生則斥那些人公開「抽水」嘅人，行為極之Cheap，所以好多女星返大陸做嘢，為求自保都盡量即日走，唔會喺大陸過夜。
除了大量爆料，Ｓ又奉勸對娛樂圈工作有興趣嘅人記住，唔好以為娛樂圈係搵錢好地方，窮嘅唔好做，有錢不妨一試，想搵大錢唔好入娛樂圈。A小姐就提醒想做藝人助手嘅人，一定要醒目，唔係會俾人鬧到痴線，而且要有24小時on call心理準備。
A小姐曾經是藝人助手，她爆見過不少有另一半的藝人出軌。
K先生是前經理人，他承認藝人不敢多言有時是經理人問題。
S小姐當年在影壇見過不少秘聞。
嘉賓主持馬米高。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！