雖則話「唔做唔知身體好」，但問心嗰句，如果個仔夠power接棒，又有個得力老臣子願意繼續睇檔兼輔助個寶貝仔，相信冇邊個富豪唔想退休，享受人生。之但係，又有幾多個好似其士老闆周亦卿咁好彩呢？
其士上個禮拜六公布連串新管理層任命，最令人關注係開國功巨兼頭號太傅郭海生，同埋太子周維正Oscar嘅新title，已經坐國際董事總經理個位嘅郭海生，加多個副主席銜頭；而本身係其士孖寶（其士國際同其士科技）執董嘅Oscar，就獲委任做埋其士科技董事總經理。
Oscar稍後仲會將其士科技改名做其士泛亞，睇怕都係諗住大搞自己一手一腳建立嘅飲食王國。