當年今日
關於我們

【李八方online】西環收130份功課 名校舊生匿名撐立法

蘋果日報 2020/06/05 15:43

全國人大全國政協委員國安法港版國安法

北京畀建制派嘅作業《國歌法》已經搞掂,嚟緊嘅大project梗係「港版國安法」。西環今日就出咗通告,表示截至6.4凌晨,已經收到130多份港區全國人大、全國政協嘅書面意見。計一計數,港區人大、政協點止咁少人,西環係咪催交功課呀?而另一邊廂,就有名校舊生登報撐立法,但唔落名,咁點計數先?

西環今日通告話,佢哋徵集咗港區人大、政協對立法嘅意見,截至尋日凌晨收到130餘份,佢哋會將所有意見「完整地」轉交全國人大常委會有關部門。

是咁的,港區全國人大就有36位,全國政協委員入面,特邀香港人士有120幾位,另外有幾十位係循不同界別做全國政協,總之加埋晒港區人大、政協一共接近200人。家陣得130份意見書,係咪有人未交功課先?

至於名校舊生嗰度,自稱為「一群瑪利曼中學、瑪利諾書院及瑪利諾修院學校跨年度舊生」嘅人士,就喺《星島》刊登廣告,表示堅定支持全國人大訂立「港版國安法」,「捍衞一國兩制行穩致遠 確保香港長期繁榮穩定」。所謂一群跨年度舊生算點先?人名冇、跨咗幾多年又冇、連人數都冇,呢份功課真係差咗啲囉。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體(中文)」大獎
-----------------------------
App內1-Click訂閱《蘋果動新聞》
按此了解更多