「好多珍貴嘅相片同留言，就咁冇晒，真係好可惜！」讀者說起他們在網頁留下的照片及友人留言突然失去，大感可惜。
兩讀者分別向本報投訴稱，他們為fotop.net網站登記客戶，每年繳付99元費用，便可在網頁上無限量儲存自已的日常生活及旅遊照片，親朋好友可登入網頁瀏覽照片，亦可在網頁上留言，對照片作出批評，或寫下感想。
珍貴相片留言全失
其中一讀者曾先生稱，他於本月15日登入網站，竟發現自己在網站所儲存的照片，全部失去。
「真係嚇咗一跳，我存喺戶口啲相，竟然全部冇晒，睇番網站負責人嘅留言，始知網頁嗰幾日有故障，客戶儲喺度啲相冇晒；而且佢哋原來係無backup﹙備份﹚嘅，要搵番啲相片都唔得，有冇搞錯！」
另一讀者邱小姐說，「除咗放相片之外，我重寫咗一啲旅遊日記，又好畀心機設計個版面，𠵱家啲心血就咁冇晒！而且我哋重係要畀錢嘅，咁樣對啲客戶真係好唔公平！」
伺服器硬件出問題
fotop.net網站負責人黃先生回覆本報查詢解釋，網站出現故障，是因為伺服器的硬件出現問題；網站的數據以實時方式同時儲存於兩組硬碟上，以往硬碟發生故障，他們可從第2組實時數據中回復所有數據，但今次在數據回復期間，第2組數據同時出現問題，實非他們能力所能控制。他們已用各種方式回復數據，最終均告失敗。