【新增當事人回應】
炎炎夏日，一眾港人苦尋消暑良方，亦有另類行山友，急不及待將消暑「秘方」於網絡世界公開。繼近日有數位行山人士，公然跳入西貢萬宜水庫「暢泳」後，一班橙衫「山系」大叔大嬸亦不甘示弱，本周日（3日）在「青山友之行」facebook群組，上載多張上山採摘楊梅的照片，有人爬樹時用腳狂踩，有人則倒轉其「縮骨遮」，在樹下接住楊梅，合作無間。根據《郊野公園條例》，任何人不得在郊野公園或特別地區內摧毀或干擾花草樹木，違者可罰款5,000元及監禁1年。

該段「摘梅之旅」的影片，昨日經facebook專頁「山野龍咁威」上載並廣傳後，旋即引來大批網民炮轟，有人留言直斥，這班大叔大嬸「其實摘嚟食唔係問題，不過好唔好唔好咁對待棵樹，睇到都心痛」。「山野龍咁威」在該帖文形容，「特登穿林鑽洞上山採野生天然楊梅，睇到佢地朝氣勃勃，對棵楊梅樹又un又踩，就知佢地對楊梅係幾咁渴求，對食又幾咁執著，令人又好想對佢地欽敬一番！」

署名「青山友之行隊長林經理」人士今日在fb發帖道歉，表示所有責任由他個人承擔，與其他一同行山人士無關，又稱「愛護郊野公園也是我們職責」，指會妥善處理事件，「建立健康快樂氣份旅程」。

【網民點講】
Wai Ho Thomas Yip：講真又唔係無錢開飯，呢啲野果留俾山上動物食好過啦！
Mandy Wong：班Pk，前世冇得食呀
Oscar Yeung：又係呢D大媽中坑
黎智成：好人好姐同D馬騮爭食
Ng Angel：呢堆人太過份la