羅霖今日喺會展為一個葡萄酒公開賽擔任頒獎嘉賓，佢表示自己嘅酒量唔好，加上品酒師牌好難考，所以不過佢遲啲都想試下。

佢透露日前由以色列返港，此行係同鄭明明等55人一齊去做慈善之旅，「以色列市區好安全，啲人又友善；我係基督徒，今次體會到好多嘢，又去咗好多聖地，所以我喺當地再次受浸。」

羅霖笑指發生一件趣事，「過關嘅時候，關員望咗我好耐，然後佢笑，問我真係50幾歲？佢話我年齡應該似20、30歲，我覺得好搞笑。」此行仲遇到艷遇，被一個靚仔求婚，「有個靚仔突然間走埋嚟問我係咪單身，佢同我講結婚，好笑，我覺得好有趣，之後佢一直跟住我，於是我拖住明明姐，明明姐勵一勵佢，佢就走咗，佢好靚仔架，似係阿拉伯加西方混血，可能當地人好情啦！」

精選娛聞，喺晒《娛果》
http://fb.com/appledailyent