韓國天團BIGBANG成員太陽目前舉行緊世界巡迴演唱會，前日佢就唱到澳門，喺澳門新濠影匯舉行《TAEYANG 2017 WORLD TOUR [WHITE NIGHT]》世界巡演澳門站。

而完騷後，太陽就去見粉絲，佢仲近距離同粉絲傾偈，有唔少幸運粉絲仲可以同佢影合照兼攬攬，真係羨慕死其他粉絲。太陽亦深知0依家唔再興擺手指心心手勢冧粉絲，佢仲跟住做「收藏」手勢，呢個「收藏」手勢係男團Wanna One嘅朴志訓創出嚟嘅手勢，佢喺參加《PRODUCE 101》時成功靠呢個手勢冧掂粉絲，仲令到唔少人有樣學樣做呢個手勢，當中太陽亦一樣，見粉絲時做出呢個手勢，唔少粉絲仲拍下片，大讚太陽夠可愛。