(新增回應)昨晚8時許，旺角山東街星際城巿對上的中僑商業大廈高層一單位發生火警，冒出大量濃煙，火勢猛烈，由途人發現報案。消防派出一隊煙帽隊開喉灌救，直至晚上近10時終撲熄。經調查後發現起火單位為22樓一個Band房起火，當時單位內冇人，初步不排除有電線短路肇禍。

曾參與亞視舞蹈比賽，《亞洲星光大道 星級舞鬥》奪得冠軍嘅香港歌手安俊豪表示當時亦喺失火單位，佢回覆《蘋果》時指第一次到該band房：「我喺22樓夾緊band，開始咗大約10分鐘左右，隔籬房有個女仔大叫火燭，我就去睇睇，成間房都係火，我即時叫個女仔走。之後我就返入房拎返個袋走，我其他朋友嘅袋就仲喺房入面，諗緊入唔入去拎嘅時候，啲濃煙已經飛緊出嚟，後來消防員嚟咗，我哋都放心，開始逐層逐層叫人走，我自己就叫咗21、20、19樓嘅人走，o依家落緊口供，等緊安排去拎返啲財物。」

至凌晨近十二時，安俊豪於fb報平安謂:「有好多親友問侯我喺旺角火警現場有冇事，我冇事，係度同大家報個平安，多謝大家。」不少網民都大讚他勇敢。最緊要大家平安就好。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。