當日係陳庭欣唔小人爆響口，爆咗張名雅要嫁人嘅消息，轉個頭依家卻爆出開門利是風波，沒完沒了。陳庭欣更因為「有前科」，俾人懷疑佢今次都有份……

陳庭欣今日出席活動時，問及是否覺得今次被懷疑係放料之人實在無辜？佢就話:「成日都係咁樣講0架啦，但係我重申，當日我係有條片證實唔係我，我絕對冇講。某啲雜誌鍾意作故仔，大家都知道0架。」

經此一役，那陳庭欣可擔心誤交朋友俾人爆私隱？佢話:「其實我哋呢一行，都覺得呢件事係誇張咗，當娛樂事件去睇囉，唔會擔心。」又指報道誇張，已經慣咗。咁幾時輪到你公佈喜訊？「暫時未有，我都未到三字頭，仲有一年先到，到時先考慮啦。」