「超人」李嘉誠旗下基金會同4間大學合辦《科技未來》活動，贊助12位大學生喺10月前往澳洲悉尼及阿德萊德，參觀當地創新科技發展項目——衛星物聯網系統、泥土吸納二氧化碳技術、未來量子電腦、高效退休金管理系統，以及澳洲聯邦科學與工業研究組織、創科孵化基地等。

同學會同唔同嘅科企創辦人交流，聆聽多啲改變世界嘅故事。喺出發之前，李嘉誠就講咗一番說話：「謙虛探究問題係獲得更深刻見解及開發更多創新解決方案的最佳方法。」佢解釋，香港人本身充滿創意基因，年青人應該喺創新科技嘅巨大渦流中裝備知識，在未來留座。

誠哥呢番肺腑之言，唔知係咪順便同摘「黃台之瓜」嘅人講，要謙虛探究香港嘅問題，先至有更多解決現時困局嘅方法，而唔係拒絕承認錯誤，再將個focus移咗去鬥地主身上囉。

李華華