【本報訊】「我諗我係世界上最開心嘅人，因為我唔記得唔開心嘅嘢。」
十五歲的家瑩兩年前突然中風致左半身不遂，更影響記憶力，住院近半年後轉讀特殊學校，但家瑩笑着面對逆境，學會將快樂的事情寫在記事簿，而不快樂的就由它淡忘。
家瑩將於甘迺迪中心升讀中二，昨日她與部份同學一起參加「愛心中國展能之旅」。她說：「我都未試過無屋企人陪出門，好開心。」

父母關愛助度難關
任公務員的李父上班前親送愛女到火炭火車站，家瑩自豪地說：「我自己過嚟馬場集合，爸爸好錫我，趕返工都送我。」
父母的愛協助家瑩度過難關。兩年前家瑩突然暈倒，送院後發現中風，左手左腳至今不能動彈：「醫生話我血管薄，有個泡，個泡爆咗咪中風囉。」連成人都未必承受得來的痛苦，家瑩憶及時一臉笑意，猶如說着別人的故事：「我天生樂觀，嗰時連媽媽都擔心，點解個女唔擔心嘅。」
家瑩昨隨身帶備了一本記事簿，原來內有乾坤：「我要記低旅行開心嘅嘢。」中風影響家瑩的記憶力，部份事情過目即忘，曾令她困擾，幸獲社工余姑娘開解：「佢教我用簿記寫低開心嘢，唔開心嘅唔寫，以後就淨係記得開心嘢！」寫滿了一本又一本的記事簿，每一頁都印證着美好的一面。「噚日我踩到妹妹隻鞋，佢無怪我，重送咗好多零食畀我今日帶嚟旅行。」家瑩將這件快樂的事寫下來。
李媽媽昨晚接受訪問時坦承，得悉女兒病情時如晴天霹靂，幸好女兒樂觀面對：「佢甚至會開解我，叫我唔好唔開心㖭。」李太曾天天不辭勞苦，帶女兒往醫院接受治療，幸好女兒病情好轉：「我對佢嘅期望，只希望佢健康。」