居於沙田博康邨一公屋單位的中年漢，自父母去世及家人相繼遷出後，一年來除靠綜援金外，更以撿拾廢物變賣維生。由於雜物堆積滿屋，臭味傳遍整層樓，鄰居不勝其擾，要求房屋署替這名拾荒鄰居調遷到細單位，但一年來房署仍未找到原邨合適單位，鄰居被迫繼續捱臭味。

「如果吹正呢邊風，佢一打開門，成屋臭味就會攻出嚟。夏天就到，臭味重勁！」居住同一大廈十六樓一住戶叫苦說。
居民稱，傳出臭味單位原住有一家五口，男女老戶主相繼去世，加上其餘兩子女遷出，只餘下一名年約三十歲男子居住。去年初起，該獨居漢經常撿拾廢鐵雜物回家分類，晚間及清晨傳出拆鐵聲音，十分吵耳，滋擾鄰居。

撿拾雜物回家分類
另外，有鄰居曾見該單位打開大門時，垃圾堆積如山，不禁驚歎道：「呢度根本唔可以住人，想像唔到佢可以喺邊個位度瞓覺。」
另一受滋擾鄰居認為房署及社署應替這戶調遷，「呢個係五人單位，唔知點解房署重畀佢留喺度住，佢冇嘢做交唔起咁貴租，對佢都唔公平。最好係盡快搵個細單位安置佢，或者社署安排宿舍畀佢住，咁大家都解決到問題。」
記者曾到上址單位拍門，但無人應門，有鄰居指該單位鐵閘雖上鎖，但木門虛掩，該住戶更替記者推開木門。大門打開後，只見屋內垃圾，如鞋、椅、膠袋、尼龍袋等堆至及膝。