ViuTV《全民造民III》今晚在Star Hall舉行，賽前姜濤、上屆冠軍吳啟洋（Phoebus）獲安排接受傳媒訪問，但就未見近日緋聞纏身，與前港姐陳曉華、中墨西哥混血女模盧慧敏（Amy Lo）、余潔滢等傳多角關係的的陳卓賢（Ian）現身，連MIRROR其他成員都不見影。對於ANSONBEAN（陳毅樂）被喻為「姜濤2.0」成大熱，姜濤覺得對其他人不公平：「成日話邊個邊個係我嘅2.0，咁唔係好公平，大家都係想認識佢本人，而唔係佢個花名。」可擔心未來有勁敵？他說：「只有同伴冇敵人。」而今年不設現場Fans打氣，Phoebus直言或會較失色：「咁有嘅氣氛會好啲，有時會令表演者喺台上更加熱血沸騰，energy都會好啲，但冇都會盡力去做，剛才見大家狀態都好好。」

林二汶與彭秀慧（Kearen）兩位導師在比賽前接受訪問，兩人心有靈犀「襯晒衫」，儼如父母入場睇子女畢業禮。二汶表示節目由5月開始casting、7月開始比賽，今晚將會是最後一次在舞台上看到參賽者演出，會有不捨，Kearen就說今朝出post分享點滴時有眼濕濕，被二汶笑：「佢啲眼淚唔使錢㗎。」《造星III》參賽者好多都有娛樂圈經驗，加上經過一輪訓練，半隻腳準備踏入行，Kearen被問到以後開戲，會否在參賽者挑選，她非常公道地說：「唔會喇！要以電影需要為準，喺成個業界去搵，但係我會記得佢哋。」二汶就承認睇中組員：「的確有諗音樂project可以搵佢哋，第一時間會諗起Alina（李靜蓮，十強之一），佢壓台感好強。」

今晚總決賽不設現場觀眾，氣氛或會比以往冷清，Kearen表示有收到組員要求抱抱：「今日有我嘅組員已經同我講，需要打氣。尤其係今晚咁大個場，對住幾個人表演，又冇觀眾嘅回應。」兩人又多謝毛舜筠答應做決賽評判：「好開心有毛姐，佢有分享過睇返晒節目，覺得好感動，佢搵晒返佢以前個種熱血。」

此外，ViuTV透露今晚台前幕後加起來約有200人，由於不會邀請嘉賓進場，故場內全部是工作人員及傳媒。另外，台上表演者亦要在72小時內接受檢測才可上台，所有進場的人事前均要先量體溫及填寫健康申報表，而場內的座位亦會相隔1.5米。

至於本來答應今晚出席《造星III》的導演麥兆輝，今日卻突然宣佈有事缺席，《蘋果》向他求證，他表示自己因哮喘發作而身在醫院：「我依家喺醫院，因為哮喘發作，忽然透唔到氣，家人即刻送我入院，今晚要留醫，去唔到《全民造星》真係唔好意思，呢幾日哮喘有發作，但冇今日咁利害，經治療後情況穩定下來，多謝大家關心！」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！