當年今日
關於我們

鍾意T-MAC「咪走雞」

蘋果日報 2003/01/27 00:00


噚日嚟到美國之旅最後一站,三位香港小將梁達成、黎國熹同伍智恩,就和小記結伴到環球片場冒險樂園大玩特玩。
一行四人嘅香港隊因為譚偉洋要為南華打工商盃決賽,所以提早回港。唔好睇三位小將高高大大,其實都冇想像中咁大膽,好似最高大嘅「駱駝」黎國熹,就唔敢玩過山車;相反阿恩就最大膽,睇到以電影侏羅紀公園為主題的激流船就嚷住要玩,重說服達成同駱駝一齊玩,最後三人玩到成身濕晒。
奧蘭多不愧係東岸著名旅遊城市,主題公園、大型購物商場、度假酒店一應俱全,不過消費就好貴,例如睇魔術比賽,中層門票要七十美元(約五百三十港元),一張冒險樂園門票又要五百港元,真係要儲多啲錢先好嚟。
又到賣廣告時間,只要繼續黐住本報體育版,就睇到全港獨家麥基迪個人專訪,睇吓佢對姚明、勒邦占士等後起之秀嘅評價;重會送出麥基迪親筆簽名T-mac2同一系列紀念品,球迷萬勿錯過。 記者盧漢傑奧蘭多直擊
empty
少了阿洋,只得三小將玩轉冒險樂園。