【更新動新聞】

早前協助勇士再奪NBA總冠軍嘅K湯遜最近到咗中國訪問，星期六喺第一站嘅公開活動，K湯遜就想喺球迷面前表演360度入樽，點知佢連續兩次都失手，而喺第二次畀個籃框封截佢之後，K湯遜就碌埋落地下，仲四腳朝天咁樣，現場除咗個個舉起手提電話係咁影之外，自不然就係笑聲四起啦，但當中有把女聲係咁話「好可愛」，仲要講咗三次咁多！

K湯遜入樽失手嘅短片好多人喺社交網絡share，有人仲喺share呢條片嘅時候寫埋話K湯遜要練吓彈跳力㖭！勢估唔到嘅係連隊友柏治利亞（Zaza）都share埋一份，不過Zaza可能都有自之明，佢笑K湯遜之餘亦自嘲一番，問網民如果入樽賽由佢對K湯遜會支持邊個，唔知大家又會點揀呢？