黃傑表示拜恩的產品自他2016年退役後,一直都不乏捧場客,過身後的幾天更一度出現一股搶購潮,球迷甚至要排隊分流入舖搜購。拜恩相關產品眾多,以adidas球衣及T-shirt最受歡迎,但現時店內大部份產品都已沽清,只剩少量特別版球衣。
而在過去的兩個月,幾乎每天都有人查詢拜恩產品返貨情況:「有啲客之前買唔到,都會打嚟問睇吓有冇機會有返貨,明白大家都係想買番一份回憶或者紀念。」不過,黃傑補充指現時武肺疫情肆虐,美國當地的物流運輸較為混亂,加上出貨量減少,預計要1至2個月時間調整,相關產品供應才回復正常:「𠵱家想買都未必買到,Kobe Fans或者真係要有耐性等多陣。」
記者:麥卓溢