貼馬貼咗幾十年，貼中既時候耀武揚威，但無可能次次都咁威啊，你份貼士唔掂會唔會去死撐呢？我阿棟就唔會咁做啦，輸咗咪認低威囉，有時運氣唔到你，好正常啫！

當然，好似阿棟上個禮拜六（21日）既遭遇就去到極度懊惱，話說田泰安跑八場贏五場，威盡馬場連潘頓莫雷拉都要行埋一邊，點知阿棟就貼咗隻佢輸既「熱血鬥士」，係天意弄人？抑或係自己技低一籌呢？但無論如何，阿棟必會好好檢討。

明晚（25日）谷中跑夠九場繼續揀三匹心水，首先係第三場「快樂歡騰」，上個禮拜已經講過呢匹馬，唔再多講有咩優點，今文主要想講下畀多個禮拜呢匹接近千二磅大馬嚟準備，出嚟既效果點都會更好，用蘇偉賢既愛將潘頓壓陣更加穩健，只要出閘順順利利，打開處女勝利之門肯定話咁易。

第五場「健康在望」響排位前已經講過佢有幾好，當時已經話明有靚檔就會事半功倍，抽到一檔比上個禮拜抽到十檔好得多，計實力早已經響上季由谷中贏到去田草都識上名就知道厲害，田泰安同苗禮德手風大順，今場捧得！

第六場「帖木兒」上季跑過兩場，首場戴頭罩同防法眼罩跑直路賽，跟前之後力弱，名次後但都只係輸唔夠五個馬位，十日之後就轉去谷中仲除晒所有配備，改留前鬥後就衝段勁跑第三，當晚七成狀態但只得十二倍唔係無的放矢架！

今場之前既操練都係響從化，試閘嗰課仲跑到包尾，但細心啲睇只係輕抒步頭，落腳有力狀態早已提升，今季有進步既馬有一檔仲用潘頓好好跑，外地一出即勝就運嚟香港，肯定未用盡仲隨時有十幾分響手，可以贏馬開齋！

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港