《蘋果》記者今日身在美國直擊奧斯卡頒獎禮成個過程，影帝影后亦喺頒獎禮後台分享得獎感受，《蘋果》亦有幸喺後台訪問到憑電影《抖室》奪影后嘅貝兒娜森（BrieLarson）。

呢位出爐影后一到記者室，心情顯得好風騷，攞住個獎周圍揚，在場記者問到佢心情時，影后笑笑口反問番記者：「你覺得我心情如何呢?」

到訪問環節貝兒娜森接受《蘋果》提問，問到會用哪首歌去形容現時感覺時，她即時回答：「Thisiseasy(很簡單),"I'minlovewithmylife"byPhases」更即時風騷地唱咗兩句。有記者問到佢一年前有冇預計過今日會成為影后，佢表示：「一年前還在想自己是甚麼人，那時剛剛拍完《抖室》，拍得太久、太入戲，所以要主動認識回自己。」

佢喺戲中飾一個為咗囝囝爭取自由嘅母親，現實中佢就話都有試過要爭取，佢話：「每次試鏡castingdirector都會跟我講『你表現很好，不過下趟是否可以穿回短裙及高跟鞋』，我會覺得很氣餒跟抗拒，為甚麼一定是短裙、高跟鞋才是性感，我不覺得。」

另外，當憑電影《復仇勇者》（TheRevenant）獲最佳導演艾力謝路依拿力圖，於記者室準備上台做訪問時，同樣憑《復》片成為影帝嘅里安納度(LeonardoDiCaprio)突然一齊衝上台，令全場即時起哄。

在場記者問會將奧斯卡小金人放喺邊時，里安納度即刻搶答：「你指是他（導演）該將第二個奧斯卡放在哪裏吧？」導演立即將小金人放上頭說會放在這裏，而里安納度就冇答到。有記者就同里安納度講，知唔知道好多人都想佢贏時，佢話好感激眾人嘅支持同鼓勵。最後有位英語唔太好嘅記者問二人：「Whataboutit?」里安納度顯得迷網，笑笑口反問：「Whataboutwhat?」當然佢都估到對方想問得獎感受，佢就話：「我感到很捧，很感激。」