秦凱同何姿呢對中國跳水隊金童玉女，里約奧運上演世紀求婚後，大家都好關心佢哋幾時拉埋天窗；之前秦凱就上載幾張婚紗相，俾大家頂下癮，今日佢就喺自己微博公佈結婚日子：6月25號，秦凱仲寫上對聯：有秦人终成家屬，何你相伴一輩姿，寫得好唔好就好難講，起碼夠晒誠意，將自己個姓同老婆姓名加晒入去，不過佢就冇講到具備結婚安排，好似地點、兄弟姐妹團等消息。