徐雨石上季在泥地賽取得15冠10亞5季，成績傲視同儕，反映練者喜歡部署馬匹在泥地賽搏殺，而較早前「上市動力」亦成為徐廐今季首匹泥地賽頭馬。

今期（22日）沙田日賽第二場「駕迅」，9月初贏過泥地試閘，操足而臨，轉廐初出可贏馬省招牌。

第二場五班泥地1200米，快馬林立的短途賽事，預期前中段步速會快，有1400米長力的後上馬要秤先。

「駕迅」在港兩場頭馬都是田草1400米，前仗跑田草1400米亦只輸短馬頭屈居亞軍，但這匹出自美國馬父系的澳洲馬，過往跑泥地同程亦曾兩度入Q。

今季轉投徐雨石馬房後，晨課操練加強，馬身肌肉結實，而今仗體重增加至1,206磅，反映近期操得兼食得，最後試跑與廐侶落草地拍跳，近日狀態急速冒勇，今場有力爭勝。

「踏雪名駒」上季中由蘇偉賢接手訓練，之後上陣五次獲得1冠3亞，陣上演出相當穩定，上仗跑谷草短途亦只輸半馬位得第二，拼後狀態有進，今仗回師贏馬路程，排12 檔亦未可輕視。

「大收成」上季贏兩場四班賽，今場降班跑兼且有內檔之利，有足夠條件爭入一席。此外，同主馬「大龍騰」雖然表現失準，但上季藉快步速之利而贏過同程，今場如步速夠快，牠後上跑得好亦不出奇。