黑帝咸姆頓除咗係F1車手，亦都係潮童一名，不過，佢嘅品味如何，就見人見智啦！好似日前佢趁F1下一個站匈牙利站要係28號先至展開，就走咗去變髮，大玩辮子頭，仲拿拿聲將新形象上載到社交網頁，公諸同好。可惜，32歲嘅黑帝梳咗辮子頭之後，將佢過高嘅髮線表露無遺，加上五短身材，真係好難同個型字扯上關係囉！